Ana səhifə Konflikt |
Türkmanların yaşadığı Telafərə Haşdi Şabi deyil, polis və ordu qüvvələri daxil olacaq.
Axar.az xəbər verir ki, bu sözləri İraq Baş naziri Heydər Abadi jurnalistlərə açıqlamasında deyib.
"Təhlükəsizlik qüvvələri Mosulun şimal və şərq istiqamətlərindəki əraziləri azad etməyə davam edir. Mosulun böyük hissəsi nəzarətimizdədir. Haşdi Şabi qruplaşması Sincarla Telafər arasındakı yolu kəsib. Mosul Suriya sərhədinə qədər bütün bölgələrdən mühasirəyə alınıb. Haşdi Şabi Telafərə qədər irəliləməyi bacarıb. Lakin həmin şəhəri polis və ordu qüvvələri İŞİD-dən alacaq. Telafər xalqının ən qısa zamanda evlərinə dönməsini istəyirəm", - Abadi vuğulayıb.
Qeyd edək ki, Türkiyə rəsmiləri açıqlamalarında dəfələrlə şiə Haşdi Şabi qruplaşmasının türkman şəhəri Telafərə girməsinə icazə verməyəcəklərini bildirib.
Tarix
2016.11.23 / 23:56
|
Müəllif
Kamran Ədalət
|