Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
29 May 2017


Şair od püskürdü – Məhv edirlər

Ana səhifə Kult
12 Punto 14 Punto 16 Punto 18 Punto

Azərbaycanın görkəmli şairi Musa Yaqub dilimizdə tez-tez alınma sözlərin işlədilməsinə etirazını bildirib.

Bu barədə Musavat.com-a danışan şair xüsusən də “gündəm”, “dəstək”, “yazar” və digər bu kimi sözlərin vaxtaşırı mətbuatda istifadə edilməsinə narazılıq edib.

“Gündəm sözü bizim sözümüz deyil. Bizdə ”dəm" şəkilçisi yoxdur, “lıq-lik-luq-lük” şəkilçiləri var. Yəni “gündəm” deyil, “gündəlik” olmalıdır. Əgər “gündəm” olsaydı, onda olardı “aydəm”, “dünəndəm” və sairə. Səsimizi, sözümüzü qorumalıyıq.

Məsələn, “yazar” yazırlar. Türklər belə deyir, amma bizdə yazıçıdır. Yəni sözlərimizin çox hissəsi, o cümlədən “dəyirman”, “kotan”, “xırman”, kənd təsərrüfatına aid olan bir çox sözlərin əksəriyyəti sıradan çıxır.

Məsələn, “Saman altdan su yeritmək”. İndikilər nə saman, nə də xırman görür, ona görə də bilmir ki, o söz nə deməkdir. Gərək onların kökünü, ilkini biləsən. Son vaxtlar “axıntı”, “görüntü” sözlərini başqa sözlərlə dəyişirlər. Və yaxud “dəstəklədim” sözü. Bizdə zəifə dəstək verərlər. Misal üçün, bizdə deyirlər, “a bala, get o ağaca dəstək ver, budağı qırılmasın”. Dəstəyi zəifə verirlər. Beləliklə dilimizi korladıq, xüsusilə də reklamlarla. O vaxt reklamlar rusca yazılanda biz gənclər üsyan edirdik. Məsələn, mənim yadımdadır, köhnə “26-lar bağı”nda qırmızı qazlı su satırdılar. Bir də görürdüm yazıblar ki, “voda net”.

Dedim ki, niyə bu cür, “su yoxdur” yazmayıblar?" Ona görə düşdülər üstümə ki, niyə belə deyirsən. Ordan zorla qaça bildim. Amma indi reklamlar ingiliscə, rusca yazılır, heç kim də səsini çıxartmır.

“Torqovıy” küçəsi deyirik, o küçəni əvvəldən axıracan düşüb baxın, görün orda Azərbaycan dilində söz tapa bilirsiz?

Bütün şirkətlərın hamısı xarici dildə qeyd olunub. Amma qanunumuz var ki, xarici dil ilə yazılanda altından Azərbaycan dilində izahı olmalıdır. Bir dəfə televiziyada bu barədə deyəndə verilişin o hissəsini kəsdilər. Dedilər ki, qadağandır, şirkət bizi öldürər. Şirkət deyir ki, mən bu adla çıxmışam. A bala, olmaz axı. Gətirsin bu adı, amma altından izahı olsun.

Yazırlar “petrol”, onu “neft” yaz. Nabranda bir yer var, adı “Elforum”. Bu söz nə deməkdir axı?.. Biz öz ana dilimizi qorumalıyıq", - şair sərt şəkildə etirazını bildirib.

Tarix
2017.01.09 / 10:03
Müəllif
Axar.az
Şərhlər
Загрузка...
Digər xəbərlər

Şah İsmayılın müraciəti: Ey türk oğulları...

Güneyin məşhur aktyoru milli çağırışı etdi

Cocuq Mərcanlıda əsgərlərimizlə görüş - Foto

Türkiyədə məşhurlaşan azərbaycanlı qızın əsl adı

Dil qaydalarını pozanlara cərimə tətbiqi – Təklif

Azərbaycanın gözlənilən treyleri yayımlandı - Video

Prezidentin bu gün təltif etdiyi akademik kimdir?

İlham Əliyevdən Firəngiz Əlizadə ilə bağlı - Qərar

Xan evi: Venesiyadan güzgü, qızıl buxarı... - Foto

Azərbaycanda ən yüksək təqaüdü kimlər alır? - Siyahı

KULT
<>
Xəbər xətti
 
SORĞU
Dağlıq Qarabağ probleminin həlli yolunu necə görürsünüz?
  
  
  
Axar.az'da reklam Bağla
Reklam
Bize yazin Bağla