“AZİRU Myuzik Prodakşn” sabah saat 12:00-da Beynəlxalq Mətbuat Mərkəzində “Xarı bülbül” layihəsini təqdim edəcək.

Axar.az xəbər verir ki, Azərbaycan professional musiqisinin banisi Üzeyir bəy Hacıbəylinin əziz xatirəsinə ithaf olunan layihənin müəllifi “AZİRU Myuzik”in rəhbəri Rübail Əzimovdur.

Tədbirdə onun müəllifi olduğu və xalq artisti Alim Qasımovla birgə ifa etdiyi “Xarı bülbül” mahnısına çəkilmiş klip təqdim olunacaq.

Klipdə xəyali obrazlar kimi Üzeyir Hacıbəyli və Xurşidbanu Natəvanın düşmənə əsir düşməsi təsvir olunub.

Azərbaycan Milli Konservatoriyasında çəkilmiş klipdə Elxan Cəfərovun “Qarabağdır Azərbaycan” filminin fraqmentlərindən də istifadə olunub.