Çin alimləri məlumatların saxlanılması üçün hazırladıqları yeni qurğuda üyüdülmüş yumurta qabığından istifadə ediblər.

Kult.az xəbər verir ki, Quyçjou Texnologiya İnstitutunun alimləri yumurta qabığını nanoölçü tozu halına gətiriblər. Bu tozu qurutduqdan sonra onu məhlulda həll edərək, yaddaş çipinin elektrik cərəyanı keçirən elektrolit səthinə sürtüblər.

Yeni həll növbəti nəsil məlumatların saxlanılması qurğularının vacib komponenti olan rezistiv əməli yaddaşdır (ReRAM).

ReRAM adi əməli yaddaşdan daha sürətli işləyir, məlumatların saxlanılması üçün daha yüksək sıxlığı təmin edir, dinamik RAM və ya fləş yaddaşla müqayisədə daha az enerji sərf edir.