Ana səhifə Kult |
Veriliş peşəkarlar tərəfindən hazırlanır və qonaqlarımız da peşəkar hüquqşünaslar olur.
Bu sözləri aparıcı, hüquqşunas Zülfiyyə Bayramova müəllifi olduğu “Qanunla biz” verilişi haqda Kult.az-a danışarkən deyib. O, çəkiliş vaxtı bəzən ekstrem vəziyyətlərlə qarşılaşdığını bildirib:
“Biz də daim inkişaf etmək, daha da yaxşı izaha üstünlük vermək, insanların hüquqi maariflənməsinə dəstək olmaq istəyirik. Amma nəzərə almaq lazımdır ki, hüquqşunasların bəzilərində kamera fobiyası var. Ona görə bəzən verilişdə müəyyən məqamda anlaşılmaz vəziyyətlər yaranır və təfsirlərin anladılmasında hüquqi terminlərdən çox istifadə edilir. Hətta bir dəfə, ilyarım bundan əvvəl verilişi çəkə bilmədim və təxirə salmağa məcbur oldum”.
Z.Bayramovanın sözlərinə görə, verilişin populyarlığının səbəbi cəmiyyətdəki hüquqi tənzimləmələrə aydınlıq gətirməsi, vətəndaşların öz hüquqlarını bilməsi yönündə maarifçi təbliğatı, həmçinin ən aktual mövzuların müzakirəsidir:
“Etiraf edək ki, hüquq maarifçiliyi bizdə o qədər də yüksək səviyyədə deyil və insanlarımızın əksəri hüquqlarının qorunmasında çətinlik çəkirlər. Bu baxımdan hüquqşünasların konkret mövzu ətrafında, belə deyək, “pulsuz məsləhəti” olduqca önəmlidir və cəmiyyətdə müsbət qarşılanır”.
Tarix
2017.04.22 / 08:45
|
Müəllif
Dilarə Zamanova
|