Rusiyada yaşayan azərbaycanlı alim Əsgər Həsənəlizadə kitab kolleksiyasını Şamaxı Astrofizika Rəsədxanasına bağışlayıb.

Kult.az xəbər verir ki, Sankt-Peterburq şəhərində yaşayan azərbaycanlı alim, günəş fizikası üzrə mütəxəssis, fizika-riyaziyyat üzrə fəlsəfə doktoru Əsgər Həsənəlizadənin N.Tusi adına Şamaxı Astrofizika Rəsədxanasının (ŞAR) Elmi kitab­­xanasına bağışladığı kolleksiyasında 1500-ə qədər astronomiya, astrofizika, mexanika-riyaziyyat, fizika və digər elmlərə aid kitablar, toplular, konfrans materialları daxildir.

70-ə yaxın elmi işin və 1 monoqrafiyanın müəllifi olan alimin araşdırmalarından bir çoxu beynəlxalq jurnallarda ingilis dilində nəşr edilib.

Qeyd edək ki, Ə.Həsənəlizadə müxtəlif vaxtlarda ŞAR-ın aparıcı elmi işçisi, Astrofiziki Metrologiya laboratoriyasının rəhbəri vəzifəsində çalışıb.