Ana səhifə Kult |
“Muğam müsabiqəsi 2017”-də iştirak edərək 3-cü yerə layiq görülən Məcid Əsri doğma şəhəri Meşkinşəhrə (Xiyav) qayıdıb.
Kult.az xəbər verir ki, Məcid Əsrinin qarşılanma mərasimi xanəndənin evi qarşısında keçirilib. İstedadlı gənc xanəndə Ərdəbil əyalətinin müxtəlif şəhərlərindən gələn soydaşlarımız tərəfindən təntənə ilə qarşılanıb.
Mərasim iştirakçıları M.Əsriyə gül çələngləri hədiyyə edərək, uğurundan dolayı təbrik edib.
Qeyd edək ki, Heydər Əliyev Fondunun dəstəyi ilə Azərbaycan Mədəniyyət Fondunun layihəsi əsasında Azərbaycan Televiziyasında yayımlanan “Muğam televiziya müsabiqəsi-2017”-də üç ay müddətində gənc xanəndələr birincilik uğrunda mübarizə aparıblar. İyunun 12-də Heydər Əliyev Mərkəzində müsabiqənin final mərhələsi keçirilib.
Münsiflər heyətinin qərarı ilə birinci yeri gənc xanəndə Pərviz Qasımov, ikinci yeri Səma Sultanova və Rəvanə Əmiraslanlı, üçüncü yeri isə Nurlan Namazov, Valid Abdullayev və güneyli soydaşımız Məcid Əsri tutub.
Tarix
2017.06.21 / 00:20
|
Müəllif
Kult.az
|