Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
19 Fevral 2018


ODA teatrı bəyanat yaydı – Diqqətsizlik

Ana səhifə Kult
12 Punto 14 Punto 16 Punto 18 Punto

Bir neçə gün əvvəl maliyyə problemləri üzündən yerləşdiyi zirzəmidən çıxmaq məcburiyyətində qalan ODA teatrı bəyanat verib.

Axar.az bəyanatı olduğu kimi təqdim edir.

"ODA Teatrının yerləşdiyi "Zirzəmi" məkanı 1 iyun 2014-cü il tarixində maliyyə çətinlikləri üzündən bağlandı. Bildirmək istəyirik ki, hazırda məkanımızın olmaması teatrın bağlanması demək deyil və "ODA" Teatrı bağlanmayıb. Teatr kollektivi müvəqqəti məkanlarda məşqlərini davam etdirir. Lakin məkanın olmaması teatrın fəaliyyətinə mənfi təsir göstərir. Biz bununla bağlı 23 may 2014-cü il tarixində dövlət büdcəsindən müstəqil teatra maliyyə və yaxud yer ayrılması üçün Prezident Administrasiyasına, Mədəniyyət və Turizm Nazirliyinə, Gənclər Fonduna, Gənclər və İdman Nazirliyinə və digər qurumlara müraciət etdik. Lakin indiyədək teatrın müraciətinə heç bir dövlət qurumu tərəfindən cavab verilmir və aidiyyəti qurumlar rəsmi müraciətlərimizi cavabsız qoyurlar.

Biz bu məsələyə hər kəsin diqqət ayırmasını və ölkənin yeganə müstəqil teatrının yer probleminin həllində yaxından iştirak etməsini istəyirik. Bunun üçün hər bir vətəndaş, tamaşaçılarımız müstəqil şəkildə müraciətlər edə və teatra yer verilməsini tələb edə bilər.

Bildirmək istəyirik ki, dövlət büdcəsi Azərbaycan vətəndaşlarının, teatrımızın daimi tamaşaçılarının və teatr kollektivinin, hər bir kəsin hesabına formalaşıb. Tamaşalarımızı nümayiş etdirmək üçün bizə yer ayrılmasını aidiyyəti qurumlardan tələb edirik. Çünki "ODA" ölkədə fərqli teatr ənənəsinin formalaşmasına xidmət edir. Bunlardan əlavə, ölkədə fəaliyyət göstərən yeganə müstəqil "ODA" Teatrının məkansız qalmasına biganə yanaşan dövlət qurumları "Teatr və teatr haqda" qanunun 4-cü maddəsinin 4.0.1. və 4.0.4. bəndlərini kobud şəkildə pozur. Mədəniyyət və Turizm Nazirliyi yeganə müstəqil teatrın müraciətini cavabsız qoymaqla teatr şəbəkəsinin inkişaf etdirilməsində maraqlı olmadığını, müstəqil teatra dövlət tərəfindən dəstək verilmədiyini açıq şəkildə göstərir. Halbuki adıçəkilən nazirlik hər hansı rəsmi müraciəti gözləmədən teatrın məkansız qalma xəbərini tutan kimi həmin teatrla əlaqə yaratmalı və problemin həllində birbaşa iştirak etməli idi. Bizim müraciətimizin cavabsız qalması ölkədə nazirlik tərəfindən, dövlət qurumları tərəfindən müstəqil teatra laqeyd münasibətin göstəricisidir. Bunlar onu göstərir ki, dövlət teatrların inkişafında, ölkədə mədəniyyətin formalaşmasında maraqlı deyil. Biz başda Mədəniyyət və Turizm Nazirliyi olmaqla aidiyyəti qurumları tənqid edir və qısa zamanda teatr aləmində özünəməxsus xətt yaratmış müstəqil "ODA" Teatrının probleminə biganə yanaşılmasını pisləyirik.

Eyni zamanda media nümayəndələrinin, vətəndaşların, tamaşaçılarımızın məsələni diqqətdə saxlamaqla, ictimai qınaq yaradaraq problemin həlli istiqamətində daha bir addım ata bilərik.

Bəyanat mediada yayılmaqla bərabər rəsmi qurumlara da göndərilir.

Tarix
2014.06.08 / 15:56
Müəllif
Nilufər Muğantürk
Şərhlər
Digər xəbərlər

Dünya şokda: 2118-ci ildən gəlmişəm, bu da fakt - Video

Rektor dərsə gecikən tələbələrə hədiyyə verdi – Video

Leyla Əliyeva babasını təbrik etdi

Bu görüntülər Azərbaycanda çəkildi: Şok kadrlar... - Video

Fond 14 Fevral gününü qeyd etdi – Foto

Türk aşpaz Bekhemi heyran qoydu – Video

Ermənilərin qətlə yetirdiyi Zəhra… - Fotolar

Necə öləcəyini öncədən deyən xalq artisti - Video

Çində qeyri-adi şəhər salınır: 1 milyon çiçək...

Bu qız hər gün Xəzər dənizində çimir - Foto

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla