Azərbaycan teleməkanının sonuncu mogikanlarından Rafiq Hüseynov bu gün son mənzilə yola salınır.

Xalq artistinin Azərbaycan mədəniyyəti üçün necə parlaq, rəngarəng şəxsiyyət olduğunu onun illər əvvəl ifa etdiyi mahnılarda da görmək olur.

Rafiq Hüseynovun mahnılarının əsas fərqli xüsusiyyəti ondan ibarətdir ki, bu ifalarda kədərin içində qəribə, həzin, doğma xoşbəxtlik qığılcımlarını aydın hiss etmək olur. Mahnıları ilə “həyatda heç də bütöv kədər yoxdur, mütləq içində hansısa sevinc detalı var” deyən sənətkarın “Gecdir daha”, “Görüş”, “Çıx qatar yoluna”, “Sevərəm təzədən səni” kimi əsərləri onun təkcə diktor kimi yox, müğənni kimi də necə görkəmli sənətkar olduğunu göstərir.

Əsl sənət heç vaxt itmir və dövrünün musiqi bumundan, burulğanından çıxaraq, öz layiqli yerini – zirvəni tutur. Elə Rafiq Hüseynovun “Sevərəm təzədən səni”si kimi...

Kult.az Rafiq Hüseynovun “Sevərəm təzədən səni” mahnısını mərhumun dəfn günündə təqdim edir: