Rusların dəstəyi ilə I Dünya müharibəsi illərində erməni quldur dəstələrinin Şərqi Anadoluda törtədiyi vəhşiliklərə, qətliamlara o dövrdə ərazidə xidmətdə olan əcnəbi komandanlar da səssiz qalmayıb.

Kult.az xəbər verir ki, bu barədə Türk Erməni Münasibətlərinin Araşdırılması Mərkəzinin rəhbəri Erol Kürkçüoğlu danışıb.

Professorun sözlərinə görə, ermənilər təkcə Ərzurumun Yanıqdərə ərazisində 3 min müsəlmanı şəhid ediblər. Ermənilər xalqı onlara un vermək vədi ilə aldadaraq vəhşicəsinə qətlə yetiriblər:

“Rus komandanlardan biri Ərzurumdakı vəzifəsindən azad edilməyi tələb edir. O, “erməni quldurlar” deyə adlandırdığı dəstələrin məsum müsəlmanları öldürməsinə tamaşa edə bilməyəcəyini deyir. Qətliam baş verən bölgələri gəzən bir amerikalı general isə “İsanın qulları necə belə bir şey edə bilər?” təəccübünü gizlətmir”.