Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
26 May 2018


Mixalkov rejissorlarımıza dərs keçdi

Ana səhifə Kult
12 Punto 14 Punto 16 Punto 18 Punto

Rusiya Kinematoqrafçılar İttifaqının sədri, Rusiya Mədəniyyət Fondunun prezidenti, məşhur kinorejissor Nikita Mixalkov kinematoqrafçılarımızla görüşüb.

Mədəniyyət və Turizm Nazirliyindən Axar.az-a verilən məlumata görə, dünən sənətkar Nizami Kino Mərkəzinin mətbuat klubunda Azərbaycan kinematoqrafçıları ilə görüşüb və gənc rejissorlara ustad dərsi keçib.

Görüşdə çıxış edən Azərbaycan Respublikası Kinematoqrafçılar İttifaqının sədri, xalq artisti Şəfiqə Məmmədova qonaq haqqında ətraflı məlumatı iştirakçıların nəzərinə çatdırıb. O, bildirib ki, ilk filmini 28 yaşında çəkən Nikita Mixalkov tezliklə öz dəsti-xətti ilə seçilən rejissorların sırasında yer alıb. Uzun illərdir Rusiya Kinematoqrafçılar İttifaqına sədrlik edən sənətkarın yaratdığı Kino Akademiyasında təhsil alan aktyor, rejissor və operatorların sayı ildən ilə artır.

Sonra söz qonağa verilib. Nikita Mixalkov Bakıya səfərindən və belə görüşün təşkil edilməsindən məmnunluğunu ifadə edib.

Rejissor qeyd edib ki, Bakıya qısamüddətli səfəri zamanı azərbaycanlı həmkarları ilə fikir mübadiləsi apararaq gələcəkdə bir sıra layihələrin reallaşmasına imza atmaq niyyətindədir. Yaratdığı Kino Akademiyasının fəaliyyəti barədə geniş məlumat verən rejissor bildirib ki, kino həm də sosial xətdir. Elə bu səbəbdən də akademiyada təhsil alanlar öz istedadları ilə seçilirlərsə, bu zaman onlar təhsil haqqının yalnız 10%-ni ödəyirlər.

Kino təcrübəsindən söz açan Nikita Mixalkov qeyd edib ki, kino kollektiv, ailəvi sənətdir. Çəkiliş meydançasında bir araya gələn rejissor, operator, aktyor və texniki işçilər əgər çəkiliş boyunca bir ailə kimi atmosferi qoruya bilmirlərsə, bu ailənin yaradacağı yeni körpəni, yəni filmi hamı eyni dərəcədə sevmirsə, bu zaman mütləq nəsə çatışmazlıq baş verəcək. Ona görə də kino sənətində, çəkiliş meydançasında həm mehriban, həm sevincli, həm də sərt və ciddi olmaq vacib şərtdir. Yalnız bu zaman gözəl sənət nümunəsi yarana bilər.

Rejissor həmçinin bildirib ki, teatr səhnəsindən fərqli olaraq, aktyor üçün kinoda oynamaq daha çətindir. Çünki teatrda aktyor tamaşaçını hiss edə bilir, kinoda isə o təkdir. Məhz buna görə də çəkiliş zamanı bütün heyət aktyoru duymalı, onun oyununa həssas yanaşmalıdır:

"Kinonu çəkmək çox çətindir. Yaxşı, yaxud pis - fərq etməz. Buna görə də bütün heyət bir-birinin uğuruna sevinməli, məhəbbət və sevgi olmalıdır. Bunlar olmadısa, o film təbii alına bilməz. Bu isə çox çətin mərhələlərdən keçən bir prosesdir".

İki saatdan çox davam edən ustad dərsindən sonra rejissor azərbaycanlı gənc kino mütəxəssislərinin suallarını cavablandırıb, intellektual kino, Amerika kinosu və müasir zaman, filmlərindəki mesajlarla bağlı fikirlərini bölüşüb. Nüfuzlu kino festivallarının mükafatçısı, "Oskar" laureatı Nikita Mixalkov öz uğurlarının səbəbi və ümumilikdə dünya kinosu ilə bağlı sualları da cavablandırıb.

Tarix
2015.04.01 / 17:00
Müəllif
Nilufər Muğantürk
Şərhlər
Загрузка...
Digər xəbərlər

Komissiya üzvləri Şeyx Cüneydi ziyarət etdilər - Foto

Prezidentdən Axundovaya ad günündə gözləmədiyi hədiyyə

Türkiyədə Cümhuriyyətimizə dair unikal nəşrlər - İlk dəfə

İbrahimbəyovun Azərbaycanı təhqirinin – Şok səbəbi

İbrahimbəyov Azərbaycana xəyanət etdi: “Vəhşi türkün qurbanı”

Deputat hiddətləndi: Sən hələ prezident də olmaq istəyirdin?!

Rüstəm İbrahimbəyov bütün bunları bilmirdimi? - Deputat

Dünya Meqanın gəlinliyindən danışır, amma... – Rəy

Bir güllə atmadan Osmanlıdan Qüdsü necə aldılar?

Ermənilərin arzusunu gözündə qoyan tarixçi vəfat etdi

KULT
<>
Xəbər xətti
 

Səsvermə sona çatdı, nəticələr hesablanır

Axar.az'da reklam Bağla
Reklam
Bize yazin Bağla