Ana səhifə Kult |
Aprel ayının 16-dan etibarən Azərbaycanın bütün kinoteatrlarında "Toy 2" filminin nümayişi başlayacaq.
Filmin yaradıcı heyətindən Axar.az-a verilən məlumata görə, film 2005-ci ildə ekranlara çıxan "Toy" filminin ikinci hissəsidir. Film 10 il aradan sonra tamaşaçılara yeni obrazlar və fərqli ssenari ilə təqdim olunacaq.
Filmin ssenari müəllifi və rejissoru hamının "Tək Səbir "verilişindən tanıdığı aparıcı Həsən Əliyevdir. Quruluşçu operator Delee, quruluşçu rəssam Səbinə Abbasova, baş prodüser Şahin Qafarovdur. Baş rolları isə Anar Xəlilov və Edqar İsayev oynayıb. Filmin çəkilişləri 2014-cü il noyabr ayında Lerik rayonunun Piran kəndində aparılıb.
Filmdə hadisələr Azərbaycanın ucqar kəndində, bir dam altında yaşayan Qeyrət və onun qayınatası Səftərin başına gələn sərgüzəştlərdən bəhs edir: "Taleyin acı hökmü ilə uzun illər birlikdə yaşayan bu "cütlük" xaricdən təşrif buyurmuş qonağın başıbəlalı leksiyasının qurbanına çevrilirlər. O andan etibarən Qeyrət və Səftər nəyin bahasına olursa-olsun, öz təmiz adlarını ləkədən qurtarmalıdırlar. Amma necə?!"
Tarix
2015.04.02 / 02:20
|
Müəllif
Nilufər Muğantürk
|