Ana səhifə Kult |
Hansı fobiyalarınız olub və hələ də bu fobiyalarınız sizə rahatlıq vermir?
Axar.az bu sualla tanınmış sənət adamlarına müraciət edib.
Xalq artisti Firəngiz Mütəllimovanın maraqlı bir fobiyası var:
"Mənim iki şeyə fobiyam var, bunlardan biri hündürlükdür. Bir də krandan damcılayan sudan qorxuram".
Əməkdar artist Dilarə Əliyevanın fobiyasına əksər adamlarda rast gəlmək olur:
"Qaranlığa qarşı fobiyam var. Bir də itlərə... Doğrusu, itdən it kimi qorxuram".
Aparıcı Şəhriyar Əbilov fobiyası olmadığını bildirib, lakin:
"Mənim fobiyam yoxdur. Amma siçovullardan qorxmasam da, iyrənirəm".
Aktrisa Pərvin Abiyeva dərinlikdən qorxur:
"Suya, dənizə, ümumilikdə dərinliyə dəhşətli dərəcədə fobiyam var".
Aktyor Azər Baxışəliyevin bir vaxtlar qəribə bir fobiyası olub:
"İndi heç bir fobiyam yoxdur, amma uşaqlıqda olub. Açıqlıq yerlərdən qorxurdum. Ən qorxulu yuxum da bu olurdu: özümü stadionun ortasında tək-tənha görürdüm. Böyüdükcə bu fobiya keçməyə başladı".
Model Rüstəm Cəbrayılov hündürlükdən qorxduğunu bildirib:
"Hündürlüyə qarşı fobiyam var. Hündür yerlərdən çəkinirəm".
Tarix
2016.01.15 / 08:30
|
Müəllif
Dilarə Zamanova
|