Ana səhifə Kult |
Bütün Azərbaycan xalqı mənim sənətə necə gəldiyimi bilir.
Axar.az xəbər verir ki, bu sözləri əməkdar artist Məlahət Abbasova müğənni Röya Ayxanla aralarında olan qalmaqal haqda ATV-də deyib. O, Röya Ayxanı böyüklərə hörmətsizlik etməkdə günahlandırıb:
"Ona sadəcə gülürəm... Biz heç şou dünyasını da bacarmırıq. Heç bir şou aləminin nümayəndəsi özündən yaşca böyük insana belə sözlər deməz. Məsləhəti ya qəbul edir, ya da etmir. İnsanın qəlbində pislik, çirkab varsa, onun gözəl işlər yaradacağına da inanmıram. Mənim onlara ayıracaq vaxtım yoxdur, özümü orada görmürəm. Mənim haqqımda kim nə deyir desin, cavab verməyi düşünmürəm. 49 yaşındayam. 25 ildir Türkiyədəyəm. Keçmişə dönüb baxanda görürəm ki, gözəl işlər görmüşəm. Bütün Azərbaycan xalqı mənim sənətə necə gəldiyimi bilir. Röya səsini bəyəndiyim müğənnidir. Amma bundan sonra onun haqqında heç nə demərəm".
Xatırladaq ki, bir müddət əvvəl əməkdar artist Məlahət Abbasova müğənni Röya Ayxanın Türkiyənin "Bəyaz şou" verilişindəki çıxışı ilə bağlı sərt fikirlər səsləndirmişdi. O, Röyanı verilişin bitməsinə 10 dəqiqə qalmış səhnəyə çıxıb, özünü hörmətdən salmaqda ittiham etmişdi.
Röya isə efirdə aktrisa Məlahət Abbasovanın uzun müddət Türkiyədə yaşamasına baxmayaraq, "süpürgə tutmaqdan" başqa heç bir uğur qazana bilmədiyini demişdi.
Tarix
2016.01.19 / 17:11
|
Müəllif
Dilarə Zamanova
|