Bəli, belə bir tamaşa planda var idi. Amma mənə heç bir məlumat verilmədi.

Bu sözləri xalq artisti Fəxrəddin Manafov Akademik Milli Dram Teatrında "Cəhənnəm sakinləri" tamaşasının səhnəyə qoyulmaması haqda Axar.az-a danışarkən deyib. O, tamaşa ilə bağlı proseslərdən xəbərsiz olduğunu bildirib:

"Mətbuatda bu haqda xəbərlər də getdi. Amma nəyə görə baş tutmadı, doğrusu, mən də bilmirəm. Bu haqda Akademik Milli Dram Teatrının məsul şəxsləri daha dolğun məlumat verə bilər".

Məsələ ilə bağlı Akademik Milli Dram Teatrının mətbuat xidmətinin katibi Cavid Zeynallı isə deyib ki, repertuarda belə bir tamaşa yoxdur.

Xatırladaq ki, ötən ilin avqustunda xalq artistləri Fəxrəddin Manafov və Fuad Poladovun "Cəhənnəm sakinləri" tamaşasında rol alacaqları ilə bağlı xəbərlər yayılmışdı.