Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
25 Sentyabr 2018


Şəhriyar yalan deyir: “Səni deyirlər” kimindir? – Video/Foto

Ana səhifə Reportaj
12 Punto 14 Punto 16 Punto 18 Punto

Son günlər Güney Azərbaycanda trendə çevrilən “Səni deyirlər” mahnısı Bakıda da böyük maraqla qarşılanıb. Bu mahnı ilə evdə, küçədə, bağda, sinifdə, maşında, yollarda və hətta iş yerlərində rəqs edənlər videolarını sosial şəbəkələrdə paylaşaraq, soydaşlarımıza dəstəklərini ifadə edirlər. Gənc şair Şəhriyar del Geraninin mahnının sözlərinin ona məxsus olması ilə bağlı informasiya yayması isə birmənalı qarşılanmayıb.

Məsələyə münasibət bildirən “Səni deyirlər” mahnısının ifaçısı İbrahim Əlizadə mahnının 25 il əvvələ aid olduğunu bildirib. Sonra isə Nadir Sulduzlu instaqram hesabında “Səni deyirlər”in orijinal versiyasının səs yazısını yayımlayıb.

Qarapapaq türkü Nadir Sulduzlu Kult.az-a açıqlamasında Şəhriyarın iddiasının tamamilə yalan olduğunu, orijinal variantda olan səs yazısının sözlərinin sulduzlu aşıq Məhəmməd Əli Mahmudiyə məxsus olduğunu bildirib:

“Bu iddia yalandır. Biz Qarapapaq türkləriyik, Borçalı mahalından köçərək, Sulduza gəlmişik. Mahnını İranda, Sulduz şəhərində Aşıq Əsədullah Rəhsipur oxuyub. Mənim əlimdə olan orijinal səs yazısının sözlərini 1976-cı ildə Aşıq Məhəmməd Əli Mahmudi oxuyub. Bundan sonra mahnı bizim eldə, türklərin içində məşhurlaşıb. İnstaqram hesabımda paylaşdığım səs Sulduzun el sənətçisi Aşıq Əsədullah Rəhsipurun ifasındadır. Hər iki aşıq – Mahmudi və Rəhsipur ayrı-ayrı vaxtlarda “Səni deyirlər”i oxuyub. İndi yayılan mahnı isə Maku şəhərindən olan İbrahim Əlizadənin ifasındadır”.

N.Sulduzlu Məhəmməd Mahmudinin 1976-cı ildə qələmə aldığı sözügedən şeirinin orjinalının surətini də təqdim edib.

Qeyd edək ki, Şəhriyar Del Gerani Teleqraf.com-a müsahibəsində son günlər sosial şəbəkələrin gündəmindən düşməyən “Səni deyirlər” mahnısının sözlərinin ona məxsus olduğunu iddia edib. O qeyd edib ki, bu mahnının sözlərini 2012-ci ildə Təbrizdə həbsdə olarkən yazıb:

“Şair dostum Fərid Hüseyn və mən o məşum və məşhur olaydan sonra Təbriz həbsxanasında olan vaxtı Urmiya gölünün qurudulması söhbətləri gündəmdəydi. 2012-ci ilin yazında Mərkəzi Təbriz həbsxanasında yüzlərlə aktivist vardı. Bu musiqiyə dustaqlar da qulaq asırdılar.

Mən də yəqin məzə üçün cənublu soydaşlarımızın ləhcəsində musiqinin üstündə belə bir şey yazmışdım”.

Şair Fərid Hüseyn isə Şəhriyarın belə bir şeir yazdığını xatırlamadığını bildirib.

Sözügedən mətnlər aşağıdakılardır:

Urmu dəryası nə üzməlidi

Urmunun bazarı nə gəzməlidi

Urmunun qızları nə sevməlidi

Səni deyillər, məni deyillər

Səni sevənlər səni deyillər

Dağları dəlləm, yanıva gəlləm

Ay arzumdur, damad, toyuva gələm

Arzumdur, güzəl üzüvü görəm

Səni deyillər, səni deyillər

Urmuda səni, səni deyillər.

(İbrahim Əlizadə)

***

Urmiya dəryası nə üzməlidir,

Ay quş olub üstündə süzməlidir,

Urmiya qızları nə sevməlidir,

Sevməli deyirəm - səni deyirlər

Ölməli deyirəm - səni deyirlər...

Qapına gəlləm,

Qarşında qul ollam,

Özümdən sənə yolam

Yolçu deyirlər.

Sevməli deyirəm - səni deyirlər

Ölməli deyirəm - səni deyirlər.

Yolam - saçımı yolam,

Qulam - saçımı yolam,

Mən dəli olannan

Səni deyirlər...

(Şəhriyar Del Gerani)

***

Arzum budur ki, bir gülsün ellər

Sürmələnsin o qara gözlər

Dağda lalələr, baxçada güllər

Səni deyirlər, səni deyirlər

Sən mənim sazım, sən mənim sözüm

Sənə qurbandır bu iki gözüm

Ayım, günəşim, mənim ulduzum

Səni deyirlər, səni deyirlər.

Şirvanın dağı, Gəncənin düzü

Maral baxışlı, o şirin sözlü

Aşiqlərinsə söhbəti, sazı

Səni deyirlər səni deyirlər.

Baxçada güllər, oxur bülbüllər

Sürməli gözlər, o qara tellər

Azad ölkəmdə mehriban ellər

Səni deyirlər, səni deyirlər...

(Məhəmməd Əli Mahmudi, 1976).

Aşıq Məhəmməd Əli Mahmudinin 1976-cı ildə yazdığı və ifa etdiyi mahnını təqdim edirik:

Tarix
2018.09.07 / 16:07
Müəllif
Aytac Araz
Şərhlər
Загрузка...
Digər xəbərlər

Mendeleyevin dostu, Tağıyevin kürəkəni - Məşhur azərbaycanlı

Öldürülən prezidentin tarixi anlaşması 40 il sonra üzə çıxdı

Dəlicəsinə ədalətli Etimad belə də ölməliydi...

Putin Tehranda Ərdoğanla qəsdən razılaşmadı - Süleymani

İranın adını da biz qoymuşuq – Tarixi faktlar açıldı

Türkiyəli məşhur: Azərbaycanla bunu davam etdirməliyik - Video

Bakını kim bu hala salır? – Video

Nuru Paşa: “Kaş öz həyatımı itirəydim, amma…”

Türk dilinə imkan verilsə, fars dili də qazanar - Kərimzadə

Atatürkü aldadan dələduz: Onun pulları belə ələ keçirildi

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla