İnstaqrama çay şəkli qoyursan, altından yazırlar ki, mənim uşaqlarım acdır, sən çay içirsən. A bala, çay içirəm də, çayı almağa nə var axı?

Axar.az xəbər verir ki, bu sözləri müğənni Nadir Qafarzadə sosial şəbəkələrdə yazılan mənfi şərhlər haqda "10-dan sonra" verilişində danışarkən deyib. O, belə hallarla tez-tez rastlaşdığını bildirib:

"Nə yaxşı sən özünə bahalı telefon alıb, İnstaqrama girə bilirsən. Amma uşaqlarına bir çay ala bilmirsən? Ağızlarına gələni yazırlar. Tapırsan, özünə zəng edirsən, deyirsən, gəl görüşək, görüm sözün nədir. Tez başlayırlar ki, Nadir müəllim, siz Allah, bağışlayın, uşaq yazıb. Arxasında dura bilməyəcəyin sözü niyə yazırsan ki, sonda da belə olur".