Düşünmürəm ki, Elşad verilişimdən getməklə nəyisə reklam etməyə çalışdı.

Bu sözləri tanınmış aparıcı Ranar Musayev repçi Elşad Xosenin ATV-də yayımlanan “V element” verilişini tərk etməsinin reklama hesablanması iddiaları haqda Axar.az-a danışarkən deyib. O, Elşad Xosenin artıq ulduz olduğunu xatırladıb:

“Elşada reklam lazım deyil. Mənim üçün elə insanlar var ki, onlar artıq karyeralarında müəyyən bir nöqtəyə gəliblər. Bundan sonra onlar heç bir şey etməsələr də, nəsə itirmirlər. Çünki artıq ulduzdurlar. Elşad da onlardan biridir”.

Qeyd edək ki, Elşad Xose bir müddət əvvəl Ranar Musayevin aparıcı və layihə rəhbəri olduğu “V element” verilişini xəstəliyini əsas gətirərək tərk etmişdi.