Ana səhifə Maqazin |
Mən elə ailəyə ərə getmişdim ki, qayınana, qayınata və 2 baldızla birlikdə yaşamışdım. Bir ailədə çox adamla yaşamaq çətindir.
Axar.az xəbər verir ki, bu sözləri bəstəkar İmruzə Hüseynova “Gəlin danışaq” verilişində ailə həyatı haqda danışarkən deyib. O, çox çətinlik yaşadığını bildirib:
“Gənclərə səslənirəm ki, evlənməyə tələsməsinlər. Bu gün eşitdim ki, yeni bir ailə 3 ay sonra dağılıb. Belə olmaz! Ya ailə qurmayın, kefiniz istəyən cür yaşayın, ya da ailə qurub kiminsə, nəyinsə xətrinə yaşayın. Mən ailə quranda anam demişdi ki, getdinsə, vəssalam, oradan sənin dirin yox, ancaq ölün gələ bilər. Ona görə anama demirdim ki, filan şey oldu... 4 il övladım olmadı, haqqımda çox şeylər dedilər. Çox əsəb keçirdim, uşaq olandan sonra səhhətimdə problem yarandı. 5 ilim də belə getdi, ailə qurandan sonra 10 ilim havaya uçdu. Dərimdə problemlər yarandı. Kənardan baxanda hamı məni xoşbəxt kimi görür, amma heç kim bilmir ki, bunlara nail olmaq üçün çox şeydən keçmişəm. Ailə dövlətdir və onun başında qadın durur. Qadın sükanı necə idarə etsə, o cür olar”.
Tarix
2017.02.04 / 00:45
|
Müəllif
Dilarə Zamanova
|