Ana səhifə Maqazin |
Bu məsələ ilə bağlı heç bir xüsusi iclas olmayıb.
Kult.az xəbər verir ki, bu sözləri ARB-nin Strateji İnkişaf, Marketinq və Media direktoru İsmayıl Həsənov “Səhər səhər” verilişində aparıcı Elgiz Əkbərlə Azərbaycan Uşaqlar Birliyi, Uşaq Sığınacağının koordinatoru Vasif Akifli arasında gərginlik yaşanması və daha sonra kanal rəhbərliyinin Elgiz Əkbəri verilişdən kənarlaşdırıması barədə yayılan məlumatla bağlı Qaynarinfo.az-a açıqlamasında deyib. O bildirib ki, "Səhər-səhər" verilişinin çəkilişi zamanı aparıcı ilə qonaq arasında müəyyən anlaşılmazlıq olub və gərginlik yaşanıb:
“Sonradan məsələ öz həllini tapıb. Burda böyüdüləcək bir şey yoxdur. Bazar ertəsi adıçəkilən veriliş Elgiz Əkbərin təqdimatında yayımlanacaq”.
Qeyd edək ki, yaşanan gərginlik səbəbindən E.Əkbərin kobud sözlər işlətdiyi, V.Akiflinin verilişi tərk etdiyi, çəkilişlərin yarımçıq dayandırıldığı və bu səbəbdən kanal rəhbərliyinin keçirdiyi iclasda E.Əkbəri proqramdan uzaqlaşdırmaq barədə qərar verdiyi bildirilmişdi.
Tarix
2017.09.23 / 12:42
|
Müəllif
Kult.az
|