Ana səhifə Maqazin |
Türkiyədə ətin qiyməti baha olduğu üçün bir qrup şəxs Gürcüstandan ət qaçaqmalçılığı ilə məşğul olur.
Axar.az xəbər verir ki, bu sözləri Türkiyənin Gömrük naziri və ticarət naziri Bülənd Tüfəngçi deyib. O bildirib ki, bədənlərində ət keçirən şəxsləri sərhəddə yoxlama cihazı ilə müəyyən etmək mümkün deyil:
“Qaçaqmalçılar bədənlərinə doladıqları ətlə sərhəddən keçən zaman yoxlama aparatlarının siqnalı reaksiya vermir. Yalnız ciddi nəzarət zamanı insanların bədənlərinə ət bağladıqlarını görə bilirik. Onlar 20 kq-a qədər əti bədənlərinə dolayaraq gündə 3 dəfə sərhədi keçə bilirlər”.
Türkiyə mətbuatında yer alan məlumata görə, qaçaqmalçılar əti bədənlərinə dolamağı Ledi Qaqadan örnək alıblar. Bu çür qaçaqmalçılıq sosial mediada gülüş hədəfinə çevrilib.
Qeyd edək ki, 2010-cu ildə MTV Video Musiqi mükafatının təqdimat mərasiminə qatılan məşhur müğənni Ledi Qaqa “ətdən paltar” geyinmişdi.
Tarix
2017.11.15 / 18:11
|
Müəllif
Nərmin Əkbərli
|