Ana səhifə Maqazin |
“Planet parni iz Baku” (“Bakılı oğlanlar”) komandasının ötən gün Heydər Əliyev sarayında baş tutan “Nataşa tı prişol?” adlı konsertində iştirak edən tamaşaçılar sosial şəbəkələrdə konsertdən narazı qaldıqlarını bildiriblər. Onlar “Bakılı oğlanlar”ın təkrara yol verdiyini və səhnəcikləri həddindən artıq bayağılaşdırdığını vurğulayıblar.
Məsələ ilə bağlı Kult.az-a danışan əməkdar artist Tahir İmanov konsert haqqında irəli sürülən bu fikirlərə münasibət bildirmək istəmədiyini deyib.
Konsertin biletlərinin hamısının satıldığını deyən İmanov, tamaşaçıların konserti yarımçıq tərk etməsi ilə bağlı yayılan xəbərlərin cəfəngiyyat olduğunu söyləyib.
Qeyd edək ki, “Planet parni iz Baku” (“Bakılı oğlanlar”) komandası “Nataşa tı prişol?” adlı konserti 3 gün - 17,18,19 aprel tarixlərində keçirməyi planlaşdırsa da, tamaşaçıların istəyi ilə aprelin 20-də də keçirməyə qərar verib.
Tarix
2018.04.19 / 14:42
|
Müəllif
Nərmin Əkbərli
|