Ana səhifə Kult Musiqi |
23:20
Bu gün Kiyevin Beynəlxalq Sərgi Mərkəzində Avroviziya-2017 mahnı müsabiqəsinin final şousuna start verilib.
Axar.az xəbər verir ki, Azərbaycanı "Sceletons" mahnısı ilə müsabiqədə təmsil edən Diana Hacıyeva 12-ci sırada çıxış edəcək.
Final mərhələsində 26 ölkə təmsilçisi iştirak edir: İsrail, Polşa, Belarus, Avstriya, Ermənistan, Hollandiya, Moldova, Macarıstan, İtaliya, Danimarka, Portuqaliya, Azərbaycan, Xorvatiya, Avstraliya, Yunanıstan, İspaniya, Norveç, Böyük Britaniya, Kipr, Rumıniya, Almaniya, Ukrayna, Belçika, İsveç, Bolqarıstan və Fransa.
Finala birbaşa vəsiqə qazanan ölkələr - müsabiqənin builki ev sahibi Ukrayna və “böyük beşlik” dövlətləri Fransa, İtaliya, Almaniya, İspaniya və Böyük Britaniyadır.
Finalda iştirakçı ölkələrin tamaşaçıları öz təmsilçiləri istisna olmaqla iştirakçılara səs verə bilərlər. 2016-cı ildən səslərin sayılması qaydaları dəyişdirilib: peşəkar münsiflər və televiziya tamaşaçıları müsabiqə iştirakçılarına ayrı-ayrılıqda səs verirlər. Nəticələr elan olunduqda əvvəlcə münsiflərin balları açıqlanacaq. Bundan sonra aparıcılar tamaşaçıların səsverməsinin nəticələrini elan edəcəklər.
Qeyd edək ki, bu il müsabiqədə rekord sayda - 42 ölkə iştirak edib. Belə ki, Portuqaliya və Rumıniya yenidən müsabiqəyə qayıdıb.
00:15
Azərbaycan təmsilçisi Diana Hacıyeva müsabiqənin final mərhələsində 12-ci sırada çıxış edib.
D.Hacıyeva “Skeletons” mahnısı ilə pərəstişkarlarını sevindirib. Azərbaycan təmsilçisinin çıxışı zalda coşqu ilə qarşılanıb.
***
26 ölkə təmsilçisinin çıxışından sonra səsvermə başladı.
***
Azərbaycan ən yüksək səsini Belarus təmsilçisinə verdi.
***
42 ölkə səs verdi. Portuqaliya 382 xalla liderdir.
İndi isə tamaşaçıların səsi əlavə edilir.
***
Tamaşaçılardan da ən yüksək səs alan və ümumilikdə 758 xal toplayan Portuqaliya qalib oldu.
Azərbaycan isə ümumilikdə 120 xalla 14-cü yeri tutdu.
***
İştirakçı ölkələrin çıxış ardıcıllığı ilə təmsilçilərini və finalda topladığı nəticələri təqdim edirik:
1. İsrail, təmsilçi - İmri, mahnı - "I Feel Alive" (Sağ hiss edirəm) - 39
2. Polşa, təmsilçi - Kasia Mos, mahnı - "Flashlight" (Fənər) - 64
3. Belarus, təmsilçi - NAVI, mahnı - "Historyja majho žyccia" (Həyatımın hekayəsi) - 83
4. Avstriya, təmsilçi - Neytan Trent, mahnı - "Running on Air" (Havada qaçış) - 93
5. Ermənistan – təmsilçi – Artsvik, mahnı - "Fly With Me" (Mənimlə uç) - 79
6. Hollandiya, təmsilçi - O'G3NE, mahnı - "Lights and Shadows" (İşıqlar və kölgələr) - 150
7. Moldova, təmsilçi - SunStroke Project, mahnı - "Hey, Mamma!" (Hey, Ana!) - 374
8. Macarıstan, təmsilçi - Yoçi Papai, mahnı - "Origo" (Mənşə) - 200
9. İtaliya, təmsilçi - Françesko Qabbani, mahnı - "Occidentali's Karma" (Qərblilərin Karması) - 334
10. Danimarka, təmsilçi - Anya Nissen, mahnı - "Where I Am" (Mən haradayam) - 77
11. Portuqaliya, təmsilçi - Salvador Sobral, mahnı - "Amar Pelos Dois" (İkimiz üçün sevgi) (Qalibin fotosu təqdim edilir) - 758
12. Azərbaycan, təmsilçi – Dihaj, mahnı - "Skeletons" (Skeletlər) - 120
13. Xorvatiya, təmsilçi - Jak Houdek, mahnı - "My Friend" (Mənim dostum) - 128
14. Avstraliya, təmsilçi - Ayzeya Fayrbreys, mahnı - "Don't Come Easy" (Asan gəlmə) - 173
15. Yunanıstan, təmsilçi – Demy, mahnı - "This is Love" (Bu sevgidir) - 77
16. İspaniya, təmsilçi - Manel Navarro, mahnı - "Do It for Your Lover" (Səni sevən üçün bunu et) - 5
17. Norveç, təmsilçi – JOWST, mahnı - "Grab the Moment" (Bu anı tut) - 158
18. Böyük Britaniya, təmsilçi - Lusi Cons, mahnı - "Never Give Up on You" (Səndən əsla imtina etmərəm) - 111
19. Kipr, təmsilçi – Ovik, mahnı - "Gravity" (Cazibə) - 68
20. Rumıniya, təmsilçi - İlinka və Aleks Florea, mahnı "Yodel It!"- 282
21. Almaniya, təmsilçi - Levina, mahnı - "Perfect Life" (Əla həyat) - 6
22. Ukrayna, təmsilçi - O.Torvald, mahnı - "Time" (Zaman) - 36
23. Belçika, təmsilçi – Blanche, mahnı - "City Lights" (Şəhər işıqları) - 363
24. İsveç, təmsilçi - Robin Benqtsson, mahnı - "I Can't Go On" (Davam edə bilmərəm) -344
25. Bolqarıstan, təmsilçi - Kristian Kostov, mahnı - "Beautiful Mess" (Gözəl qarmaqarışıqlıq) - 615
26. Fransa, təmsilçi – Alma, mahnı - "Requiem" (Ölülər üçün dua) - 135
Tarix
2017.05.14 / 02:34
|
Müəllif
Kult.az
|