Ana səhifə Kult Musiqi |
Tahir Azərbaycanda özümə yaxın hesab etdiyim çox az sayda insanlardan biri idi. Yüksək mədəniyyət sahibi, son dərəcə təvazökar, gözəl musiqiçi, eyni zamanda da gözəl bəstəkar idi.
Kult.az Publika.az-a istinadla xəbər verir ki. bu sözləri Şimali Kipr Türk Respublikasının Yaxın Şərq Universitəsinin Səhnə sənətləri fakültəsinin dekanı, professor Cavanşir Quliyev bu gün dünyasını dəyişən bəstəkar, əməkdar incəsənət xadimi Tahir Əkbər haqda qeyd edib. O bildirib ki, Tahir Əkbərin həyatı keşməkeşlərlə dolu idi:
“Peşəkar bəstəkar olandan sonra Özbəkistandan Bakıya köçmək məcburiyyətində qaldı, min bir əziyyətlə həyatını sahmana salmaq üçün çox çabaladı... O, mənim üçün görünəndən də dəyərli idi... Allah ona rəhmət eləsin! Əminəm ki, ruhu artıq cənnətdədir”.
Qeyd edək ki, 72 yaşlı bəstəkar uzun müddət idi ki, beyin insultundan əziyyət çəkirdi. Mərhum sabah Yasamal qəbiristanlığında dəfn olunacaq.
Tarix
2018.03.03 / 02:12
|
Müəllif
Kult.az
|