Gürcüstanda milli təhlükəsizliyin təmin edilməsi mexanizmləri işləmir.

Axar.az xəbər verir ki, bunu jurnalistlərə açıqlamasında Vahid Milli Hərəkat Partiyasının nümayəndəsi Yelene Xoştariya söyləyib. Onun sözlərinə görə, son dörd ildə bu mexanizmlərin heç biri çalışmayıb:

"Təhlükəsizlik sistemində sədaqətlə çalışanların çoxu buradan uzaqlaşdırılıb. Əvəzində isə Rusiya xüsusi xidmət orqanları ilə əlaqədə şübhəli bilinənlərin hamısı sistemə bərpa edilib".

Qeyd edək ki, bundan öncə Gürcüstanın keçmiş Baş Qərargah rəisi general Gigi Kalandadze mətbuata açıqlamasında ölkənin gizli hərbi obyektlərinin koordinatlarının Rusiya xüsusi xidmət orqanlarına satıldığını bildirib. Onun sözlərinə görə, ruslara xüsusilə torpaq altında olan gizli atəş nöqtələrinin koordinatları verilib. Kalandadze bu məlumatların Rusiyaya Gürcüstanın keçmiş Müdafiə naziri Mindiya Canelidze tərəfindən verildiyini iddia edib.

Mindiya Canelidze 2014-2015-ci illərdə Gürcüstanın müdafiə naziri olub.