Almaniyanın Münhen Prokurorluğu Feysbukun qurucusu Mark Zukerberq haqqında cinayət işi açıb.

Axar.az xəbər verir ki, Zukerberq, Feysbukun Baş İcraçı direktoru (CEO) Şeryl Sandberq, həmçinin şirkətin əməkdaşları Riçard Allan və Eva-Mariya Kirsçeper "Xalqı təxribata sövq etmək" maddəsilə ittiham edilirlər.

Vəkil Çan Co Can Zukerberq və yoldaşlarının Feysbukda insanları cinayətə təşviq etdiyini bildirib. Onun Feysbukun qurucusunu yəhudi soyqırımını inkar etməkdə, həmçinin paylaşımları dərhal silməməkdə günahlandırması istintaqın başlanmasını daha da sürətləndirib.

Qeyd edək ki, bu ilin əvvəlində Zukerberq və əməkdaşları ilə bağlı Hamburqda başladılan istintaq nəticəsiz qalmışdı.