Türkiyə heç vaxt NATO-nun vahidliyini və kollektiv müdafiəsini poza biləcək addım atmaz.

Axar.az xəbər verir ki, bunu NATO-nun Baş katibi Yens Stoltenberq "Hürriyyət"ə müsahibəsində deyib:

"Tamamilə əminəm ki, NATO sazişinin beşinci maddəsinə əsasən, Türkiyə heç vaxt bu kollektiv müdafiəni və vahidliyi poza biləcək heç bir addım atmayacaq".

Stoltenberq Türkiyənin S-400 raket sistemlərini almasına dair Rusiya ilə apardığı danışıqlara da toxunub:

"Hansı texnikanı almaq, hansınasa investisiya yatırmaq hər bir ölkənin öz işidir. Lakin biz həmişə döyüş texnikasının istifadəsinin NATO-nun bütün üzvləri ilə uyğunluğunu əsas tutmuşuq".