Suriyaya qarşı başladılan savaşın əsas məqsədi ölkənin müstəqilliyini məhv etməkdir.

Axar.az xəbər verir ki, bunu İranda tələbələr qarşısında çıxışı zamanı Suriya səfiri Adnan Mahmud söyləyib. Onun sözlərinə görə, Qərbin əsas məqsədi Suriyanı özündən tam asılı vəziyyətə salmaqdır:

"ABŞ Corc Buşun dövründə Suriyanı müqavimət oxundan (Qərbə qarşı müqavimət – İran, Suriya, Hizbullah, Fələstin qrupları nəzərdə tutulur – red.) çıxarmaq istəyirdi. Onlar bununla Fələstin qruplarını ölkədən qovmağı da planlaşdırırdılar. Suriyada müqavimət oxunu zəiflətmək üçün Amerika özünün ortaqları ilə terror təşkilatlarından istifadə edərək beynəlxalq savaş başladıb. Biz 50 ildir ki, müstəqilik və Amerika ilə savaşırıq".