Belarus Liberal Demokrat Partiyası ölkənin seçki sisteminin dəyişdirilməsi və prezidentin fəaliyyət müddətinin uzadılması ilə bağlı referendumun keçirilməsinə razılıq verib.

Axar.az xəbər verir ki, bu barədə bəyanatı partiyanın mətbuat xidməti yayıb. Partiya referendumda deputatların fəaliyyət müddətinin 4 ildən 5 ilə qədər, prezidentin fəaliyyətinin isə 5 ildən yeddi ilə qədər uzadılmasını istəyib. Liberal demokratların fikrincə, bu dəyişikliklər ölkədəki siyasi sistemi gücləndirəcək.

Qeyd edək ki, Belarusda son konstitusiya dəyişiklikləri 2004-cü ildə baş tutub. Belarus Liberal Demokrat Partiyası Rusiya Liberal Demokrat Partiyasının əsasında yaradılıb.