Əgər hakim Respublika Partiyası gələn ilin yazında keçiriləcək parlament seçkisində qələbə qazansa, Karen Karapetyan hökumətin rəhbərliyində qalacaq.

Axar.az xəbər verir ki, bunu Respublika Partiyasının 16-cı qurultayında çıxışı zamanı Ermənistan prezidenti Serj Sərkisyan söyləyib. O, yeni baş nazirə inandığını söyləyib.

Qeyd edək ki, Ermənistanda parlament seçkisi 2017-ci il aprelin 2-də baş tutacaq.

Ölkənin parlamentli idarəetmə formasına keçməsindən sonra Ermənistan mətbuatı Sərkisyanın prezidentlikdən imtina edərək baş nazir olacağını iddia edirdi. Mətbuat Sərkisyanın bununla özünün hakimiyyətini əbədi qoruyacağını yazırdı. İddialar sırasında həmçinin Sərkisyanın özü olmasa belə, nüfuz edə biləcəyi adamlarından birini hakimiyyətə gətirəcəyi də var idi.