İraq ordusu Mosulun İŞİD-dən azad edilməsi əməliyyatının gedişində daha 7 bölgəni geri alıb və 19 yaraqlını məhv edib.

Axar.az xəbər verir ki, yaraqlılardan 4-ü beynəlxalq koalisiyanın şəhərin cənubundakı Şəmsiyyat kəndində terrorçuları daşıyan avtomobilə endirdiyi hava zərbəsi nəticəsində, 6-sı hökumət qüvvələrinin Cilyuhan kəndində apardıqları əməliyyatların gedişində öldürülüb. Dəclənin şərqində həyata keçirilən əməliyyatda isə 9 terrorçu və bomba yüklü bir avtomobil zərərsizləşdirilib.

İraq Müdafiə Nazirliyindəki mənbələrdən verilən məlumata görə, ordu hissələri Mosulun şimalında yerləşən Qahirə məhəlləsinin təxminən üçdə birini, qərb istiqamətində isə 6 kəndi geri alıb.

Xatırladaq ki, Mosulun İŞİD-dən azad edilməsi əməliyyatı artıq 40 gündür ki, davam edir. Əməliyyatlara ABŞ başda olmaqla beynəlxalq koalisiyanın döyüş təyyarələri dəstək verir.