ABŞ-ın yeni prezidenti Donald Tramp Rusiya ilə qarşıdurma yolundan geri çəkilməməlidir.

Axar.az xəbər verir ki, bunu BBC radiosuna müsahibəsində Böyük Britaniyanın Müdafiə naziri Maykl Fellon söyləyib. Onun sözlərinə görə, London yeni Amerika administrasiyasından bu yolu seçəcəyini gözləyir:

“Seçkiqabağı ritorika ilə praktikanı bir-birindən ayırmaq lazımdır. Praktikada bütün Amerika administrasiyaları Rusiya ilə qarşıdurmada olublar. Biz Rusiya ilə dialoqun dayandırılmasını demirik. Biz sadəcə olaraq onunla bərabərhüquqlu tərəfdaş kimi davranılmasını istəmirik. Rusiya açıq-aşkar beynəlxalq hüquq normalarını pozur və bu, heç vaxt unudulmayacaq. Biz Rusiya ilə qarşıdurma kursunu davam etdirməklə, təcrid ediləcəyimizdən qorxmuruq. Qərb NATO-nun müdafiə alyansı olduğunu və onun Şərqi Avropadakı müttəfiqlərini qorumağa qadirliyini göstərməlidir”.