ABŞ prezidentliyinə keçmiş namizəd, Respublikaçılar Partiyasının üzvü Mit Romni yeni seçilən ABŞ prezidenti Donald Trampla “Cin Corcs” restoranında şam edib.

Axar.az xəbər verir ki, bu haqda məlumatı Nyu York Tayms nəşri yayıb.

Vaxtılə Trampı fırıldaqçı adlandıran Massaçusets ştatının eks-qubernatoru Trampı tərif atəşinə tutub:

“Böyük çətinliklərə baxmayaraq, Donald Tramp iradə nümayiş etdirərək prezident seçildi. O, buna layiqdir”.

Xatırladaq ki, Romni prezident seçkiləri ərəfəsində Tramp haqda bu fikirləri səsləndirmişdi:

“Tramp prezident ola bilmək üçün uyğun şəxsiyyət deyil. O, saxtakar, fırıldaqçı və qadın düşmənidir”.