Türkiyə Prezidenti Rəcəb Tayyip Ərdoğan ölkə vətəndaşlarına dollara nisbətdə milli valyuta məzənnəsinin kəskin düşməsi ilə əlaqədar çağırış edib.

Axar.az xəbər verir ki, Ərdoğan vətəndaşları evlərdə saxladığı dollarları lirəyə dəyişməyə çağırıb:

“Qoy, yastığın altındakı dollarları çıxartsınlar və onları qızıla, lirəyə dəyişsinlər. Türk lirəsi və qızıl bahalaşacaq. Narahat olmayın, biz tezliklə bu oyunu pozacağıq. Eyni ilə bu oyunu 2007-2008-ci ildə reallaşdırmağa çalışırdılar. O vaxt da dedim ki, bu keçəcək. İndi də eyni sözləri deyirəm – keçəcək”, - Ərdoğan vurğulayıb.

Qeyd edək ki, son bir ay ərzində lirə dollara nisbətdə 11 faiz dəyər itirib. Bu gün ABŞ dolları 3,52 lirə ilə tarixi maksimuma yüksəlib.