İtaliyada konstitusiya referendumunun iflasa məruz qalması hakimiyyətə müxalifətin gəlməsinə şərait yaradacaq.

Axar.az xəbər verir ki, bunu jurnalistlərə açıqlamasında Rusiya Dumasının Beynəlxalq məsələlər üzrə komitəsinin sədri Leonid Slutski söyləyib. Rusiyalı deputat İtaliya müxalifətinin Rusiya əleyhinə sanksiyaları dəstəkləmədiyini bildirib:

“Müxalifət artıq növbədənkənar parlament seçkisi istəyir. Müxalifət antirusiya sanksiyalarının əleyhdarıdır. Biz indiki dövrdə İtaliyanın Rusiyaya qarşı sanksiyaları ləğv etməyə yaxın olduğunu deyə bilərik. İtaliyada konstitusiya reformlarının iflası həm də Breksit xətti ilə gedən prosesin davamıdır. Bunun nəticələri təkcə baş nazirin istefası ilə bitməyəcək. O, Avropa Birliyinin bütövlüyünə böyük zərbə vuracaq”.

Qeyd edək ki, bu gün İtaliya Baş naziri Matteo Rentsi istefaya gedəcəyini açıqlayıb.