16:28

Pakistan Beynəlxalq Hava Yollarına məxsus sərinişin təyyarəsi yoxa çıxıb.

Axar.az xəbər verir ki, bu barədə Pakistan telekanalları məlumat yayıb.

Təyyarə Çitraldan İslamabad istiqamətində uçurmuş. Təyyarədə 47 sərnişinin olduğu bildirilir.

İnsident ölkənin şimalında baş verib.

17:03

Pakistan Hava Yollarının rəsmisi qəza ilə bağlı açıqlama verib.

“Bu gün yerli vaxtla saat 15:30-da Çitraldan qalxan 47 sərnişini daşıyan təyyarəmiz Abbottabat şəhəri yaxınlığında qəzaya uğrayıb”, - Hava Yollarının rəsmisi Tvitter hesabında yazıb.

Pakistan Müdafiə Nazirliyi də təyyarənin qəzaya uğradığı ərazidə axtarış-xilasetmə əməliyyatlarının aparılması üçün helikopterlər göndərildiyini bildirib.

Təyyarənin dağa çırpılaraq qəzaya uğradığı bildirilir.

18:53

Son məlumata görə, Pakistanın şimalında qəzaya uğrayan "İnternəşnl Ayləns" aviaşirkətinə məxsus ATR tipli təyyarənin göyərtəsində 42 sərnişin və 5 ekipaj üzvü, o cümlədən iki uşaq və üç əcnəbi şəxs olub. İlkin məlumata görə, təyyarədəkilərin hamısı həyatını itirib.

Axar.az xəbər verir ki, yerli hakimiyyət orqanları Çitral-İslamabad reysi ilə uçan laynerin dağlıq əraziyə düşdüyünü bildiriblər. Onların sözlərinə görə, təyyarə yerə çırpılmazdan əvvəl alışıb.

İslamabad beynəlxalq aeroportunun dispetçer xidmətinin nümayəndəsi bildirib ki, təyyarə havaya qalxdıqdan saat yarım sonra laynerin kapitanı SOS siqnalı göndərib və bundan dərhal sonra onunla əlaqə kəsilib. Aeroportda hadisə barədə bütün informasiyaların toplanması üçün qaynar xətt fəaliyyətə başlayıb.