Ana səhifə Planet |
Gürcüstan müharibəsi, Krımın anneksiyası, həmçinin Suriyanın bombardmanı göstərir ki, SSRİ yenidən doğulub və rus imperiyası hələ də mövcuddur.
Axar.az xəbər verir ki, bu iddia ilə Polşanın “Qazeta Vıborça” qəzeti çıxış edib. Qəzet Şərqi Avropa ölkələrinin böyük təhdid altında olduğunu bildirib:
“SSRİ 25 il əvvəl süqut edib. Lakin imperiya hələ də ölməyib. O, yenidən doğulub. Rusiya Prezidenti Vladimir Putin də bir müddət öncə SSRİ-nin süqutunu böyük geosiyasi fəlakət adlandırıb. 25 il keçsə də, rusların böyük əksəriyyəti SSRİ-nin iqtisadiyyatın qeyri-effektivliyi, qapalılığı və orduya böyük xərcləri ucbatından çökdüyünü qəbul etmək istəmirlər. Rusların yalnız 14%-i bunu qəbul edir. SSRİ öz hərbi xərclərinə büdcəsinin üçdə birini xərcləyirdi. İndi də Rusiya SSRİ-ni təkrarlayır. Moskva öz büdcəsinin 25%-ni xarici və daxili düşmənləri ilə mübarizəyə ayırır”.
Tarix
2016.12.10 / 00:57
|
Müəllif
İlkin Həsənov
|