Ana səhifə Planet |
01.09 21:45
Türkiyənin paytaxtı Ankarada sui-qəsdə qurban gedən Rusiya səfiri Andrey Karlovla bağlı qərar verilib.
Axar.az xəbər verir ki, Ankara Böyükşəhər Bələdiyyəsinin yığıncağında A.Karlovun adının səfirliyin yerləşdiyi küçəyə verilməsi barədə qərar çıxarılıb.
Bundan başqa dekabrın 19-da sui-qəsdin baş verdiyi Çankayanın Müasir İncəsənət Mərkəzinin ekspozisiya zalına da Andrey Karlovun adı verilib.
Çankaya bələdiyyəsinin sədri Alpər Daşdələn Anadolu agentliyinə açıqlamasında bildirib ki, rusiyalı diplomatın öldürülməsi Türkiyə və Rusiya xalqları arasında böyük kədərə səbəb olub.
Onun sözlərinə görə, sui-qəsd iki ölkə münasibətlərinin pisləşməsinə yönəlib:
“Terror bütün insanlığa qarşı bir cinayətdir. Biz terrorçuları dininə və milliyətinə görə ayırmırıq. Bu zal Karlovu həmişə xatirlərdə yaşadacaq”.
Qeyd edək ki, həmin küçənin əvvəlki adı "Qaryağdı" idi.
Tarix
2017.01.10 / 10:52
|
Müəllif
Pərviz Həsənov
|