Ana səhifə Planet |
2017.01.11; 16:07
Ermənilərin 1977-ci il yanvarın 8-də Moskva metrosunda törətdiyi terror aktı ilə bağlı cinayət işinin məxfilikdən çıxarılmasını tələb edən petisiya hazırlanıb.
Trend-in məlumatına görə, petisiyanı rusiyalı tarixçi Oleq Kuznetsov hazırlayıb.
Xatırladaq ki, 40 il əvvəl - 1977-сi il yanvarın 8-də “Ermənistanın milli birləşmiş partiyası” adlı ekstremist qruplaşmanın üzvləri Stepan Zatikyan, Zaven Baqdasaryan və Akop Stepanyan Moskvanın "İzmaylovo" və "Pervomayskaya" metro stansiyaları arasında vaqonda partlayış törədiblər. Hadisə nəticəsində 7 nəfər ölüb, 37 nəfər isə xəsarət alıb.
Həmin vaxtdan bu cinayət işi ilə bağlı məhkəmə prosesi ictimaiyyətdən gizli saxlanıb. 1979-cu il yanvarın 30-da məhkəmə terrorçu ermənilər barəsində ölüm hökmü çıxarıb və onların hər üçü güllələnib.
***
5 gün ərzində petisiyanı 1550 nəfər imzalayıb.
Axar.az xəbər verir ki, bunu rusiyalı tarixçi Oleq Kuznetsov ermənilərin 1977-ci il yanvarın 8-də Moskva metrosunda törətdiyi terror aktı ilə bağlı cinayət işinin məxfilikdən çıxarılmasını tələb edən petisiya ilə bağlı yaydığı məlumatda bildirib.
Kuznetsov qeyd edib ki, gün ərzində orta hesabla 320 nəfər petisyaya imzasını qoyub: “Bu əladır. Ona görə də mən qərara gəldim ki, kampaniyamızın ideologiya və məramını izah etmək üçün proqram statusu hazırlayım və hər kəs bunu nə üçün etdiyimizi anlasın”.
Petisiyanı dəstəkləyənlər artmaqdadır. Hazırda petisiyanı imzalayanların sayı 1675 nəfərdir.
Petisiyanı buradan imzalamaq olar.
Tarix
2017.01.12 / 00:39
|
Müəllif
Axar.az
|