Suriyadakı atəşkəs Əsəd rejiminin tərəfdarlarının provokasiyası nəticəsində yox olmaq üzrədir.

Axar.az xəbər verir ki, bunu Türkiyə mətbuatına açıqlamasında Azad Suriya Ordusunun Siyasi Bürosunun üzvü Rami Dalati söyləyib. O, Rusiyanın atəşkəslə bağlı üzərinə götürdüyü öhdəlikləri yerinə yetirə bilmədiyini söyləyib:

“Atəşkəsi daha çox iranyönlü qüvvələr pozur. Atəşkəsin üçüncü günündə səmaya Əsəd rejiminin təyyarələri qalxmışdı. Əsəd atəşkəsin saxlanmasında maraqlı deyil. Müqavilə artıq məhv olmaq üzrədir. Hizbullah bundan öncə Dəməşq vilayəti yaxınlığındakı Barada dərəsinə dörd rus generalını buraxmamışdı. Hizbullahın belə bir addımı atəşkəsi istəməməsi ilə bağlıdır”.