Rusiya Müdafiə Nazirliyi Suriyaya döyüş təyyarələri göndərilməsi ilə bağlı yayılan məlumatlara münasibət bildirib.

Axar.az xəbər verir ki, nazirliyin sözçüsü İqor Konaşenkov 4 ədəd Su-25 reaktivinin Hmeymim bazasına göndərildiyini təsdiq edib:

“Hmeymim bazasına 4 ədəd Su-25 təyyarəsi göndərmişik. Lakin 6 ədəd Su-24 reaktivi ölkəyə qayıdıb. Suriyada hərbi gücümüzü azaltmağa davam edəcəyik”.

Xatırladaq ki, ABŞ-ın “Foks Nyus” telekanalı Rusiyanın Suriyaya əlavə hücum təyyarələri göndərdiyi barədə məlumat yayıb.

“Ruslar qoşunların çıxarıldığını desələr də, bunun heç bir sübutu yoxdur. Əksinə, orada yeni qüvvələr peyda olub”, - xəbərdə qeyd olunub.