Braziliyalı jurnalist Xose Mariya Braqa Sputnik və RT-nin Baş redaktoru Marqarita Simonyanın ABŞ-dakı seçkilərə təsir etmək üçün keçirilən kampaniyanı idarə etməsi ilə bağlı ittihamlara ironik bir şəkildə reaksiya verib.

Axar.az xəbər verir ki, Braqa Simonyana xitabən "Yaman güclüymüş" deyib.

ABŞ kəşfiyyatı Sputnik və RT-nin ABŞ-da prezident seçkiləri öncəsi Donald Tramp üçün əlverişli şərait yaradaraq keçirilən kampaniyanı birbaşa idarə etdiyini hesabatında qeyd edib.

Məsələ ilə bağlı açıqlamasında Braqa bildirib ki, Simonyanı seçkilərə müdaxilə etməkdə günahlandırmaq ona güc vermək deməkdir. Onun adının 27 dəfə hallandığı hesabatda konkret sübut yoxdur.

O qeyd edib ki, bir nəfər bir ölkənin siyasətinə heç bir şəkildə təsir göstərə bilməz.