Ana səhifə Planet |
Venesuela Prezidenti Nikolas Maduro qlobal bazarda neft qiymətlərinin sabitləşməsi üçün rəsmi Karakasın yeni təkliflər verəcəyini bildirib.
Axar.az Report-a istinadla xəbər verir ki, Maduronun sözlərinə görə, bu həftə Venesuela qiymətlərin sabitləşdirilməsi üçün yeni təklif və düsturu məktub şəklində neft hasilatçısı olan ölkələrə göndərəcək.
Yanvarın 15-də OPEK təşkilatının baş katibi Məhəmməd Barkindo Venesuelaya səfər edib. Təşkilatın Tvitter hesabında OPEK-in baş katibin neft bazarındakı vəziyyəti müzakirə etmək üçün Venesuela hökuməti ilə görüş keçirəcəyi qeyd olunub. Görüşdə neft bazarına çıxarılan yeni təklifin müzakirə olunacağı ehtimal edilir.
Bu arada ABŞ-da fəaliyyətdə olan neft-qaz quyularının ümumi sayının yanvarın 7-dan 13-dək 6 ədəd və ya 0,9% azaldığı və 659-a çatdığı bildirilib.
Keçən ilin eyni dövrü ilə müqayisədə neft quyularının sayı 7 ədəd və yaxud 1,35%, qaz quyularının sayı isə 1 ədəd və yaxud 0,74%, ümumilikdə isə neft-qaz quyularının sayı 9 ədəd və yaxud 1,38% artıb.
Hazırda aktiv neft quyularının sayı minimal həddən 65,2% çoxdur. Bu göstərici rekord səviyyəyə 2014-cü ilin oktyabrında çatıb və 1 609 ədəd təşkil edib. Hazırda quyuların sayı rekord həddən 67,6% aşağıdır.
Son hesabat həftəsində ABŞ-da aktiv neft-qaz quyularının sayının azalmasının texniki səbəblərdən baş verdiyi ehtimal edilir.
Tarix
2017.01.16 / 13:26
|
Müəllif
Axar.az
|