Avropa Birliyinin Xarici əlaqələr və təhlükəsizlik siyasəti üzrə ali nümayəndəsi Federika Moqerini Trampa xəbərdarlıq edib.

Axar.az xəbər verir ki, Moqerini ABŞ-ın yeni prezidenti Donald Trampın ölkəsinin İsraildəki səfirliyini Qüdsə köçürmə fikrinə qarşı çıxaraq, bunun ərəb dünyası ilə gərginliyə səbəb ola biləcəyi xəbərdarlığını edib.

"Təktərəfli addımlardan, xüsusilə də dünyanın böyük seqmentində ictimaiyyətin gözü qarşısında olan ciddi nəticələrə yol aça biləcək addımlardan çəkinmək hamımız üçün çox əhəmiyyətlidir", - Moqerini qeyd edib.

Qeyd edək ki, bir müddət öncə Donald Tramp ölkəsinin Tel-Əvivdəki səfirliyini Qüdsə köçürəcəyini bəyan etmişdi.