İsrailin Baş naziri Benyamin Netanyahunun oğlu polis tərəfindən dindirilib.

Axar.az xəbər verir ki, bu haqda məlumatı İsrailin “Haaretz” nəşri yayıb.

Verilən məlumata görə, Yair Netanyahu avstraliyalı milyarder Ceyms Pakerdən hədiyyələr alıb-almadığı haqda sorğu-suala çəkilib.

Buna səbəb baş nazirin oğlunun bir müddət əvvəl Pakerin Tel-Əvivdəki evində qalması, onun şəxsi təyyarəsi ilə uçuşlar etməsi, Nyu Yorkda qaldığı otellərin haqqını milyarderin ödəməsi olub.

Bu hadisədən sonra İsrail XİN-in keçmiş rəhbəri Tsipi Livni Netanyahunu vəzifəsindən sui-istifadə edərək öz şəxsi maraqlarına görə fəaliyyət göstərməkdə ittiham edib və istefasını tələb edib.