Ana səhifə Planet |
Qərbi Afrikada yerləşən Mali Respublikasında hərbi bazaya hücum olub.
Axar.az xəbər verir ki, bomba yüklü avtomobilin partladılması nəticəsində azı 80 nəfər həlak olub, onlarla insan yaralanıb.
Hadisə ölkənin şimal-şərqindəki Qao şəhərində baş verib.
Hərbi düşərgənin yaxınlığında park edilən avtomobildə quraşdırılmış partlayıcı qurğu işə salınıb. Düşərgədə hərbçilər və bir sıra silahlı qrupların üzvləri qalırmış. Onlar ölkənin şimalında hərbi münaqişənin tənzimlənməsinə dair razılaşmanın yerinə yetirilməsi işinə nəzarət edib.
Qeyd edək ki, Malidə böhran Liviya lideri Müəmmər Qəzzafinin devrilməsindən sonra başlayıb. Həmin vaxt tuareq qəbiləsinə aid qaçqınlar Malinin şimalında məskunlaşaraq bu ərazilərdə Azavad dövləti yaradıldığını bəyan ediblər. Sonra tuareqlər ekstremistlər tərəfindən qovulub.
Tarix
2017.01.18 / 16:22
|
Müəllif
Hacı Qulu
|