ABŞ Donald Trampın prezidentliyi dövründə Cənubi Çin dənizində öz maraqlarını müdafiə edəcək.

Axar.az xəbər verir ki, bunu jurnalistlərə açıqlamasında Ağ Evin rəsmi nümayəndəsi Şon Spayser söyləyib.

“Əgər məsələ bu suların beynəlxalq status daşıması və Çinin tərkibinə daxil olmaması ilə bağlıdırsa, o zaman biz beynəlxalq ərazilərin hansısa başqa ölkələr tərəfindən işğal edilməsinə mane olmaq niyyətindəyik. Biz bu regionda öz maraqlarımızı qoruyacağıq”, – deyə o bildirib.

Qeyd edək ki, Çin Cənubi Çin dənizində bir neçə adanı ilhaq edib. Pekinin bu addımı region ölkələri, xüsusilə, ABŞ-ın kəskin etirazına səbəb olub.