Mosul və Telaferdəki 7 min nəfərlik İŞİD ordusu İraqın sərhəd qapısı Baak üzərindən Deyr-əz Zor və Rakka şəhərinə gedib.

Axar.az xəbər verir ki, Xüms, Dəməşq, Həma və Hələb ətrafında möhkəmlənən terrorçuların yeni hücuma başlayacağı ortaya çıxıb.

Yeni Şəfəq-in bölgədəki qaynaqlardan əldə etdiyi məlumata görə, terrorçuların İraqdan Suriyaya keçidi hər gün gecə saat 03:00-05:00 arası gerçəkləşir.

Hanasır-Sifira bölgəsində döyüşçü toplayan İŞİD-in ilk növbədə İdlibə hücum edəcəyi gözlənilir. 7 min nəfərlik ordu ilə hücum planlaşdıran təşkilat müxalif qruplar arasında yaranan gərginlikdən istifadə etmək niyyətindədir.

Əsəd rejiminin nəzarətində olan İdlibi ələ almaq üçün təşkilat ciddi hazırlıqlara başlayıb. Şəhəri işğal etmək üçün ən ideal bölgə olan Hanasır artıq bir neçə gün öncə terrorçuların nəzarətinə keçib.

Suriya ordusuna məxsus xeyli silah və hərbi təchizat ələ keçirən İŞİD eyni zamanda rejim qüvvələrinin Həma ilə bağlantısını kəsib.