Gürcüstan hazırkı mərhələdə Rusiya ilə diplomatk münasibətlərin bərpası imkanlarını nəzərdən keçirmir.

Axar.az xəbər verir ki, bunu “Vzqlyad” qəzetinə açıqlamasında Gürcüstan baş nazirinin Rusiya ilə əlaqələr üzrə xüsusi nümayəndəsi Zurab Abaşidze söyləyib. O, Gürcüstanın ərazi bütövlüyü təmin olunmayana qədər Moskva ilə diplomatik münasibətlərin bərpa edilməyəcəyini bildirib.

Qeyd edək ki, bu gün “İzvestiya” qəzeti Rusiya ilə Gürcüstan arasında diplomatik münasibətlərin bərpa olunacağı haqqında informasiya yayıb.

Gürcüstan-Rusiya münasibətləri 2008-ci ilin avqustundan etibarən dayandırılıb. Buna səbəb Rusiyanın Gürcüstana hərbi müdaxiləsi, Moskvanın sayəsində Cənubi Osetiyanın Tiflisin nəzarətindən çıxması və Kremlin Abxaziya ilə Cənubi Osetiyanın müstəqilliyini tanıması olub.