HƏMAS-la İran arasında əlaqələrin gücləndirilməsi üçün görüşlər keçirilir.

Axar.az xəbər verir ki, bunu jurnalistlərə açıqlamasında HƏMAS-ın sözçücü Sami Əbu Zuhri söyləyib. O, bu görüşlərin uğurla başa çatacağına inandığını bildirib.

Qeyd edək ki, HƏMAS-la İran münasibətləri 2011-ci ildə pozulub. Buna səbəb İranın Suriya Prezidenti Bəşər Əsədi dəstəkləməsi səbəb olub. Məhz bunun ucbatından HƏMAS o zaman Türkiyə ilə yaxınlaşmışdı.

HƏMAS tərkibində bir neçə qruplaşma var. Təşkilatın hərbi qanadı İranla uzun illərə dayanan ənənəvi münasibətini davam etdirir. Təşkilatın rəhbəri və ideoloqu olan Xalid Maşal Türkiyə və Qətərdən böyük dəstək alır.